منو احنه ؟

Picture of the author

عن ترانسپاي

ترانسپاي هو مشروع ريادي ناشئ يطمح لتحمل مسؤولية عملية النقل لطلبة الجامعات وتطويرها لتوفير خدمة على مستوى عالي. وهذا عن طريق تأسيس أول شبكة نقل يتم من خلالها عملية الربط بين الطلبة المتجهين لنفس الجامعة ومن أقرب المناطق ويه كابتن ملتزم بصورة يومية وعلى مدار العام الدراسي. ورؤيتنا هي توفير رحلة يومية آمنة, مريحة, وبأسعار اشتراك ثابتة.

شلون خدمتنا تشتغل؟

بعد ما الطلاب يكملون عملية التسجيل, راح يتم تحديد الطلبة الي ساكنين بنفس المنطقة ويدرسون بنفس الجامعة ويتم جمعهم ب(خط) واحد وتوفير لهم كابتن يكون مسؤول عنهم وعن عملية نقلهم من والى الجامعة على مدار العام الدراسي.كل الكباتن تكون سيارتهم حديثة وبيها كامل اساسيات الراحة للرحلة من النظافة وخدمات التدفئة والتبريد والمقاعد المريحة ومستوفية جميع المعايير القانونية.

شنو طبيعة عملية التسجيل؟

عملية التسجيل تحتاج مجموعة من المعلومات الاساسية من الطالب منها الاسم, الجامعة, الكلية, المنطقة, رقم الهاتف وغيرها. بالاضافة الى أنه الطالب يكَدر همين يسجل ويه اصدقائه حتى يكونون كلهم سوة خلال الرحلة اليومية (لازم يكونون اماكنهم قريبة ولنفس الجامعة). وبعدها يكَدر الطالب يختار نوع السيارة (خصوصي 4-6 راكب) او ميني باص (كيا 8-15 راكب)

خدمتنا المن تشمل؟

راح نعلن عن الجامعات والكليات المشمولة بخدمتنا خلال عملية التسجيل القادمة.

شنو ألاسعار؟

الاسعار تختلف حسب المسافة والوقت من كل منطقة الى كل جامعة الي يختارها الطالب وهمين تختلف حسب وسيلة النقل (خصوصي أو ميني باص) وراح يعرف السعر قبل انتهاء عملية التسجيل. عملية التسجيل مجانية بشكل كامل ويتم دفع الاجور بعد اكمال التسجيل وتوفير (خط) مناسب من الشركة للطالب وبداية الدوام.